Free Hong Kong Flag

光復香港旗

「光復香港，時代革命」嘅口號，各派有唔同解讀，而本店認為喺中國壓逼下，惟有獨立才能保留香港嘅自由同權利，真正嘅光復香港。而理想新時代，正正係香港不再受中國支配，唔再成為殖民地，真真正正港人治港，自強不息，擁有呢種理念嘅就係新時代嘅人。革命係由下而上用暴力激進嘅手段推翻舊社會，係要用血用汗，有呢個醒覺，香港終必重光。

尺寸 Size: 150cm x 90cm
Made in Taiwan

Product Story

最初為本土民主前線前發言人梁天琦參選香港立法會新界東地方選區補選嘅競選口號。

2014年雨傘革命抗爭失敗，造就本土派出現。有別於泛民主派主張制度內以「和理非」方式抗爭，向中國政府爭取真普選民主制度。當時本土派雖然支持普選，但認為實現普選嘅方法首先要取得主權，主張民族自決，香港獨立等。同時支持更激進嘅抗爭模式「以武制暴」，認為以往「和理非」抗爭再不能撼動政權。本土派當時亦認為香港民主發展一直俾泛民主派耽誤，雨傘革命失敗凸顯泛民抗爭模式毫無作用。甚至追溯至八十年代泛民主張民主回歸，有份造成今日香港局面。以上嘅分歧，導致2015年起出現泛民與本土派相爭嘅局面。

口號2019年被前線抗爭者再次使用，起初泛民主派仍以「唔好俾位人入」為由，呼籲示威者停止叫喊光復口號。但後來泛民支持者亦開始跟隨示威者使用口號，引申成為反送中革命口號之一。