Hong Kong Flag

英殖香港旗（1959-1997）

同好多英國海外領土一樣，以英國藍船旗為底，配以香港紋章。日佔時期，香港郵政司榮鐘士喺赤柱集中營內構想出香港紋章。1947年3月香港重光，紋章交咗比港督楊慕琦，佢認爲無必要而冇採用。1950年代，改紋章一事重提，港督柏立基認為紋章可取，將草圖交到英國紋章院修改，並於1959年1月21號頒佈。

尺寸 Size 100cm x 60cm
Made in Taiwan

Product Story

香港旗多次出現在香港示威場面，2019年7月1號示威者攻入立法會內，更高掛在香港立法會大樓議事廳之中。

「回歸」後，呢對旗本已成為歷史。但隨住港中之間民族矛盾越來越大，港英旗喺2010年代翻生，諷刺當權者新不如舊，成功刺激中國人民族恥辱嘅痛苦，甚至象徵埋本土抗爭意識。港英旗開始出現喺七一遊行，反水貨客，反自由行驅蝗等示威場面，2013年，港獨組織「香港人優先」更加拎住枝旗行入去中環解放軍軍營。

2019年7月1號，示威者仲將枝旗掛喺立法會主席台前，引起大量國際媒體關注。另一方面，港英旗仍然有唔少經歷過殖民地時期，親英，崇英嘅香港人用嚟懷緬英國統治，代表佢哋「英藉香港人」嘅身份認同。

示威者用旗背後嘅政治意義非完全一樣，本土派亦曾以港英旗作為爭取港獨嘅象徵，造成「一旗多義」、「一旗各表」嘅情況。

2019年，反送中示威者終於有達成共識嘅旗幟—光復旗同獨立旗嘅出現，令往後港英旗喺示威場面出場次數逐漸下降。因此舉港英旗唔一定等同支持本土／港獨派，亦唔一定等同懷緬港英統治，對英國有情意結。喺救生艇計劃之下，港英旗嘅象徵意義或者會再度延伸。

隨著反政府運動不斷發展，示威現場開始聽到越來越多人喊「光復香港，時代革命」。有左膠因而用自己的小腦袋隨意解讀，謂這些高呼光復之人，是想「光復」英殖時代。如果欠缺政治想像力，就會照字面去解讀「光復」。「光復」在理論上是「恢復」過去的東西，但香港可以追溯的過去，就只有英國殖民時期。所以「光復香港」自然可被粗暴解讀為「要求恢復殖民統治」。但我想香港大部份人都不是回望過去，喊出「光復」的時候，那反過來是一種展望將來的情感。香港人要restore的不是英國，而是要restore香港形而上的國體，那條隱秘而宛延的河，既不是大清，也不是英國，而是未曾實現過的自主。
- 宛延之河 —「光復香港」是想光復甚麼？， 盧斯達