Hong Kong Independence Flag

香港獨立旗

早於2016年，民族黨、本土民主前線等組織經已高舉此刻眾人皆知嘅口號「民族自強，香港獨立」，政權可以取締到民族黨，但香港民族、香港獨立嘅信念卻永無法取締。在中國蠶蝕下，2019年香港民族終爆發大規模對抗殖民者嘅反抗，「民族自強，香港獨立」嘅口號於街頭上彼此呼應，比2016年聲勢更為浩大。不想歸英，亦不想歸中，香港獨立信念急遽成長，香港獨立成為愈來愈多港人心中相信的唯一出路。

尺寸 Size: 150cm x 90cm
Made in Taiwan

Product Story

2010年代本土運動冒起後，十年前除咗港英旗重新出現之餘，伴隨嘅仲有示威者開始叫出香港獨立口號。雨傘革命期間，當時香港大學學生會學苑 Undergrad, H.K.U.S.U.推出《香港民族 命運自決》嘅專題，其後更推出《#香港民族論》 ，引起極大迴響，對於港獨嘅討論越嚟越熾熱。雨傘革命後，本土派組織林立，香港民族黨 Hong Kong National Party更高舉此刻眾人皆知嘅口號「民族自強，香港獨立」，政權首次引用《社團條例》「裁定」民族黨為非法社團，勒令停止運作。

2016年，以創作宣傳香港本土意識嘅本土工作室 Local Studio HK發佈香港獨立旗，可惜嘅係，2018年2月本土工作室指因租金壓力，創作收入不足下宣告停運，在休息一段日子後會重新投入創作，但目前為止仍未復業。

反送中期間，不少示威者高舉本土工作室設計嘅香港獨立旗，可惜嘅係並非正版，而係未經本土工作室授權製作嘅複印品。希望終有一日有機會買到本土工作室產品。另一方面，獨派旗手鄭俠，自十年前一直於遊行高舉自己設計嘅港獨旗幟，由最初被指責「太激進、騎劫、不可能」，到現時香港獨立已成為不少港人心中的唯一出路，海外集會除咗見到光時旗之外，就係港獨旗。