Vintage Hong Kong Patch

魔術貼

中環海旁曾經存在過冠冕堂皇嘅香港會，亦有大會堂、郵政總局、天星碼頭等現代主義建築。 海旁一直見證香港由19世紀古典建築轉變成戰後現代建築，跨越開埠到戰後香港歷史。七、八十年代，好多上一代建築都拆咗，2000年代就拆天星碼頭同皇后碼頭，去到呢一刻就連郵政總局都準備會拆。 今次將唔同時代嘅海旁五幢標誌建築濃縮成一個刺繡織章，等大家可以將昔日香港收藏，或者帶住佢去世界唔同地方。

尺寸 Size: 9cm x 9cm
Made in Taiwan

Product Story

香港會 Hong Kong Club (1897 — 1981)
殖民、精英主義象徵，做得會員都係達官貴人，去到今日都係一個好難入嘅會所。七十年代因空間不足、老化令保養成本上升，加上木結構容易火燭，會方動議拆卸重建，會員曾經反對，可惜重建方案成功喺一九八一年通過，今日嘅我哋就再唔可以見到呢座咁靚嘅會所。

滙豐銀行總行 HSBC Main Building (1935 — 1984)
典型裝飾藝術風格（Art Deco）建築，設計喺1920-30年代興起。落成時係香港最高、遠東最大型、亞洲第一幢有冷氣嘅建築。Art Deco特點包括運用當時現代建材去起樓，比如鋼筋水泥、鋼鐵同玻璃。同埋對於平衡對稱，幾何形狀，線條有一份執着。紐約帝國大廈就係Art Deco建築典型代表之一。一九八四年因空間不足拆卸重建，頂樓石獅子獲保留，置於新滙豐大堂中庭。

愛丁堡廣場碼頭 Edinburgh Place Ferry Pier (1957 — 2006)
二零零六年十一月十一號，48年歷史嘅愛丁堡廣場碼頭夜晚十二點正式關閉。冇幾耐連皇后碼頭都拆埋，變成今時今日嘅龍和道。

大會堂 City Hall (1962 — )
當年非常前衛嘅國際主義設計，高低兩座之間一個紀念花園嘅簡約設計，成為中環鬧市一處寧靜地方。半世紀以來舉辦過大大小小音樂演奏會，古今中外展覽等文娛活動，成為多代香港人回憶。二零二二年三月古物諮詢委員會將61年樓齡嘅大會堂列為香港首幢戰後落成嘅法定古蹟，亦係最後生嘅古蹟。

郵政總局 GPO (1976 — 202?)
大會堂隔籬同樣係現代主義嘅天星碼頭停車場同郵政總局就冇好彩。中環新海濱三號用地，會喺2027年至2032年內完工。郵政總局同埋停車場都係範圍內，換言之最遲呢幾年佢哋就會拆卸。